چۆن چــاوه‌كانت له‌ هێزی شاشه‌ی كۆمپیوته‌ر ده‌پارێزیــــــت.

توێژه‌ران ده‌لێن" دانیشتن له‌به‌رده‌م شاشه‌ى كۆمپیۆته‌ردا بۆ ماوه‌یه‌كى درێژ زیانێكى ته‌ندروستى گه‌وره‌ به‌ چاو ده‌گه‌ینێت ، به‌تایبه‌ت له‌كاتى دانیشتن له‌به‌رده‌م كۆمپیۆته‌ردا بۆ به‌كارهێنانى ئینته‌رنێت و تۆڕه‌ كومه‌لایه‌ته‌كان ، كه‌ ئه‌مه‌ش كاریگه‌ریه‌كى سلبى بۆسه‌ر چاو ده‌بێت . 

بۆ دووركه‌وتنه‌وه‌ له‌م مه‌ترسیانه‌ش توێژه‌ران ئامۆژگارى ده‌ده‌ن به‌ به‌كارهێنانى ئه‌م خاڵانه‌ى خواره‌وه‌:- 

1-  پێویسته‌ هێزى ڕووناكى شاشه‌ى كۆمپیۆته‌ر كه‌م بكرێته‌وه‌  وه‌ جار جاریش شاشه‌كه‌ى خاوێن بكرێته‌وه‌ .

2-  جۆلاندنى شاشه‌ى كۆمپیۆته‌ره‌كه‌ت به‌پێی ئاستى چاوه‌كان ، به‌وه‌ى كه‌ شاشه‌كه‌ له‌ ئاستى بینین به‌رزتر یان نزمتر بێت . 

3- دانانى تابلۆى دوكمه‌كانى كۆمپیۆته‌ر له‌به‌رده‌م شاشه‌ى كۆمپیۆته‌ردا ، بۆ ئه‌وه‌ى شاشه‌كه‌ نه‌كه‌وێته‌ لایه‌كى چاوه‌كانه‌وه‌ . 

4- پێویسته‌ دورى نێوان مرۆڤ و شاشه‌ى كۆمپیۆته‌ر نزیكه‌ى نیو مه‌تر بێت ، بۆ ئه‌وه‌ى كاریگه‌رى نه‌كاته‌ سه‌ر چاوه‌كان .