ماڵپه‌ڕی (فه‌رفه‌ش) بڵاویكرده‌وه، ده‌ریای (ناترۆن) كه له‌باشوری (ته‌نزانیا)یه هه‌ر بونه‌وه‌رێك لێی نزیك ببێته‌وه وشكی ده‌كات، هه‌ر به‌وهۆیه‌شه‌وه به‌ده‌ریای (مه‌رگ) ناسێنراوه‌‌و ناساندنیش به‌و ناوه‌وه ده‌گه‌ڕێته‌وه بۆ ئه‌وه‌ی پێكهاته‌ی ئاوه‌كه‌ی ڕێژه‌یه‌كی زۆر خوێ‌و ماده‌ی كیمیایی‌‌و ترشی تێدایه، وه پله‌ی گه‌رمای ئاوه‌كه‌ی ده‌گاته (60) پله‌ی سه‌دی، ڕێژه‌ی ترش له‌ئاوی ئه‌و ده‌ریاییه‌دا له‌نێوان (9 بۆ 10) پله‌یه، هه‌ربۆیه هه‌ر بونه‌وه‌رێك لێی نزیك ده‌بێته‌وه وشكی ده‌كات.
(نیك براندت) فۆتۆگرافه‌ری به‌ناوبانگی به‌ریتانیا كه وێنه‌ی ئه‌و باڵنده‌‌و گیانله‌به‌ره به‌به‌ردبوانه‌ی گرتووه ده‌ڵێت، هه‌رگیز له‌و بڕوایه‌دا نه‌بووه ڕێی بكه‌وێته شوێنكی وه‌ها، وتیشی:"كه له‌دووره‌وه ته‌ماشای ئه‌و ده‌ریایه ده‌كه‌ی، وه‌ك ئه‌وه‌یه پێشانگه‌یه‌كی نمایشی تابلۆ بێت".
.jpg)
