ئه‌م رێگه چارانه‌ی خواره‌وه ده‌توانێت یارمه‌تیده‌رمان بێت:
1ـ خۆشی به‌رده‌وام نابێت: تۆ ناچار نی رووبه‌ڕووی رۆژه ناخۆشه‌كانی ژیانت بیته‌وه تاوه‌كو خۆشترین رۆژه‌كان ده‌سته‌به‌ر بكه‌ی. ئه‌و بۆچوونه‌ی كه تۆ ده‌توانی به قۆناغی به‌خته‌وه‌ری بگه‌ی و بمێنیه‌وه، وه‌كو ئه‌وه وایه كه پێت وابێت شه‌پۆله‌كانی ده‌ریا به كه‌نار ناگه‌ن. خۆشی واته كۆمه‌ڵه ساتێكه دێت و ده‌ڕوات و ئه‌گه‌ر ئه‌وه‌ت قبوڵ كرد، ساته‌كانت خۆشتر ده‌بێت.
2ـ ناكامی: ده‌كرێت وانه‌ی ژیان له ناخۆشترین كاته‌كانی ژیان وه‌ربگری و له هه‌ڵه‌كان ئه‌زمون فێر بی، هه‌رچه‌نده هه‌ندێكجار تووشی شكست ده‌بیت. چه‌نده خێراتر ئه‌مه قبوڵ بكه‌ی ، خێراتر له سه‌ر پێیه‌كانی خۆت ده‌وه‌ستیت.
3ـ هه‌موو كاتێك له پێشكه‌وتن دای ئه‌گه‌ر هه‌ستیشی پێ نه‌كه‌ی: ره‌نگه هێشتا به قۆناغی دڵخوازت نه‌گه‌یشتبی، به‌ڵام له هه‌ر بارودۆخێكدا بۆ پێشه‌وه هه‌نگاو بنێ و ئه‌وه‌ش بۆ ئه‌وه‌ی له هه‌ڵبژاردنی خراپ خۆت به دوور بگری و ئه‌گه‌ر هه‌ستت به دڵته‌نگی كرد،گریان ده‌روونت فراوان ده‌كاته‌وه.
4ـ نه‌هامه‌تیه‌كانت مه‌شاره‌وه: كاتێك هه‌ڵه و نه‌هامه‌تیانت نه‌شاریته‌وه، ده‌توانی زۆر ئه‌زمونی لێ وه‌ربگری. ئه‌گه‌ر پرسیارێكی زۆرت لا گه‌ڵاڵه بووه ئه‌وه نیشانه‌ی ئه‌وه‌یه كه له ناخی دڵه‌وه وه‌ڵامه‌كانت پێخۆش نییه. گرنگترین هه‌نگاو، هه‌ڵنانی یه‌كه‌مین هه‌نگاوه و ئه‌وه‌ش سه‌ركه‌وتن به‌دی ده‌هێنێت.
5ـ دۆخی تۆ له كاتی په‌ستاندا، پێوانه‌ی راسته‌قینه نییه: ترسی تۆ له‌وه نییه كه له مه‌ترسیدای، ته‌نیایی تۆ به‌هۆی ئه‌وه نییه كه كه‌س تۆی خۆش ناوێت. به‌دوای راستیدا بڕو و پێ به‌سه‌ر گوماندا بنێ و گفتوگۆی نێگه‌تیڤی ناخ كاریگه‌ری خراپی به‌سه‌ر تۆدا ده‌بێت. له‌م كاته‌دا بیرت به لای هزری باشدا رێنمایی بكه.
6ـ واز له رابردوو بهێنه: گرنگ نییه له رابردوودا دووچاری ناخۆشی زۆر بووی، داهاتوو به‌رهه‌مدارتره. تۆ نیگه‌رانی رابردوو نیت و هه‌مان مرۆڤی جارانیش نیت، له‌م كاته‌دا تۆ هه‌مان كه‌سی كه وا بیر ده‌كه‌یته‌وه كه له‌م كاته‌دا بوونت هه‌یه.
7ـ نا ئومێد مه‌به: ئه‌گه‌ر ده‌رگایه‌ك به رووی تۆدا داده‌خرێت، چه‌ندین ده‌رگای تر به رووتدا ده‌كرێته‌وه و زانیاری زۆر كۆ ده‌كه‌یته‌وه. ئه‌وه بزانه ئه‌گه‌ر له ژیانتدا شتێك له ناو ده‌چێت، شتێكی باشتر شوێنی ده‌گرێته‌وه.
ـ ژیان بێ كێشه نییه، به‌ڵام به نرخه: ئه‌گه‌ر چاوه‌ڕوانی ئه‌وه له ژیان ده‌كه‌ی كه بێ كێشه بێت، خۆت نائومێد ده‌كه‌ی. بۆ گه‌یشتن به هه‌ر ئامانجێك ده‌بێت هه‌وڵی بده‌ی. هه‌موو رۆژێك كاره‌كانت له چاو رۆژانی تر به هه‌وڵ و كۆششێكی زۆرتر به‌ردوام بكه و هه‌وڵ بده هه‌وڵه‌كانت له‌گه‌ڵ ئامانجه‌كانت رێك بخه‌ی. هه‌رچه‌نده ئه‌مه گرانه، به‌ڵام ئه‌نجامێكی به نرخی بۆ تۆ پێده‌بێت.
